Azərbaycan Respublikasının İqtisadiyyat Nazirliyinin İqtisadi Elmi Tədqiqat İnstitutunun baş redaktorluğunu həyata keçirdiyi İqtisadi Əməkdaşlıq Təşkilatının (İƏT) jurnalı məqalə qəbulu üçün dəvət elan edir.
Qeyd edək ki, bu jurnal İƏT-ə üzv dövlətlər və dünya ictimaiyyətindən ziyalı iqtisadçılar, siyasətçilər və tədqiqatçıların İƏT regionunun iqtisadi inkişafı və stabilliyinə töhfə verən fikirlərini, təhlillərini və innovativ ideyalarını təqdim etmək üçün platforma rolunu oynayır.
Məlumat üçün bildiririk ki, bütün məqalələr müəlliflər üçün təqdim olunan təlimatlara uyğun olmalıdır. Bu standartlara uyğun gəlməyən məqalələr ilkin baxış mərhələsindən kənarda qalacaqdır. Keyfiyyət və uyğunluğu təmin etmək üçün hər bir məqalə ciddi və ədalətli ekspert baxışından keçiriləcəkdir. Baxış prosesində məqalələr onların əhəmiyyəti, orijinallığı və oxucular üçün uyğunluğu əsasında qiymətləndiriləcəkdir. Baxışın mümkün nəticələrinə məqalənin qəbulu, şərti qəbulu və ya imtinası daxildir. Şərti olaraq qəbul edilən məqalələr bir neçə qiymətləndirmə və düzəliş mərhələsindən keçəcəkdir. Məqalənin yekun qəbulu üçün isə müəlliflərdən bu mərhələlərdə təqdim edilmiş rəyləri, şərhləri və tövsiyələri nəzərə almaqları gözlənilir. Müəlliflər üçün təlimatlar və digər ətraflı məlumatları keçiddən əldə etməyiniz mümkündür.
Məqalələrinizi 𝐨𝐟𝐟𝐢𝐜𝐞@𝐞𝐬𝐫𝐢.𝐠𝐨𝐯.𝐚𝐳 imeyl ünvanına mövzu hissəsində “#ECO #Economic #Journal” yazmaqla təqdim etməyiniz xahiş olunur. Qeyd edək ki, məqalələrin qəbulu üçün son tarix 15 may 2024-cü ildir.
Sözügedən prosesdə maraqlı olan HTP tələbə və məzunlarına uğurlar arzu edirik !